Wananchi waomba rungu la Magufuli litue kwa mmiliki wa shule za Kwema kwa kuvamia eneo la wajasiliamali Kahama

M

       Mkuu wa Wilaya ya Kahama Vita Kawa 

Wananchi waomba rungu la Magufuli litue  kwa mmiliki wa shule za Kwema kwa kuvamia eneo la wajasiliamali  Kahama

KUFUATIA zoezi la bomoabomoa linayoendeelea jijini Dar  es salaam kwa baadhi ya watu wanaojenga katika maeneo ya wazi wilayani Kahama mkoani Shinyanga mfanyabiashara mmoja (Paulin Mathayo) anatuhumiwa kuvamia eneo la wajasiliamali wa viwanda vidogo vidogo (SIDO)kwa kutumia nguvu ya fedha zake.

Mfanya biashara huyo ambaye ni mkurugenzi wa shule ya  msingi Kwema pamoja na Sekondari anatuhumiwa kuvamia eneo la wajasiliamali hao lililopo katika Kata ya Mwendakulima mjini hapa na kujimilikisha bila kufuata sheria na taratibu za Ardhi.

Akiongea na Wandishi wa Habari mwenyekiti wa kikundi cha wajasiliamali hao Charles Omary alisema kuwa eneo hilo walipewa na iliyokuwa Halmashauri ya Wilaya ya Kahama 1999 kama sehemu yao iliyotengwa kwaajili ya kufanyia shughuli ndogondogo za uchomeleaji vyuma.

Alisema kuwa baada ya kupewa eneo hilo na Halmashauri na kufuata taratibu zote za sheria za Ardhi ikiwa ni pamoja na kulilipia gharama zote za upimaji  sambamba na ulipaji  fidia kwa baadhi ya wananchi waliokuwa wakimiliki mashamba hayo lakini mfanya biashara huyo alivamia na kuanza ujenzi wa shule ya sekondari katika maeneo yao bila kuwashirikisha.

“Eneo hilo tulilipia kwaajili ya kuanza shughuli za uzalishaji mali lakini kwakuwa kulikuwa kunamazao yasiyohamishika ilibidi tukbali ombi la wananchi hadi wavune mazao yao ndipo tulilipie tayari kwa matumizi ya shughuli hizo kwakuwa pia Halmashauri ilituhakikishia kuwa eneo hilo ni mali yetu”.

“Kwa kuona hivyo tuliamua kusubili,lakini katika harakati za kusubili ghafla mfanyabiashara huyo aliamua kuvamia eneo hilo kwa kujenga shule ya sekondari licha ya ku pewa barua ya kusitisha ujenzi wa sekondari hiyo na uongozi wa Halmashauri ya Wilaya” alisema mwenyekiti huyo Omary.

Naye mkurugenzi wa Halmashauri ya Mji wa Kahama Anderson Msumba alipotakiwa kuzungumzia juu ya mgogoro huo alisema kuwa mfanyabiashara huyo yupo kihalali na amepewa hatimiliki sipokuwa eneo hilo wakwanza kupewa ni kikundi hicho cha wajasila mali hivyo weledi unatakiwa kutumika kwa mmoja kuliachia eneo hilo kwa mwenzake.

Hata Msumba alisema kuwa mgogoro huo wa eneo hilo lenye ukubwa wa hekari 33 yeye ameurithi na kuongeza kuwa hata iliyokuwa Halmashauri iliyokuwapo ilifanya makosa kutoa Hatimiliki kwa mfanyabiashara huyo kwani eneo hilo tayari lilikuwa limekwisha milikiwa na wajasilia mali hao.

“Niwaeleze Wandishi hata viongozi walikuwa halmashauri ya Wilaya ya Kahama ilitumia makosa kutoa hatimiliki kwa mfanyabiashara huyo kwa eneo lililokwisha milikiwa na wajasiliamali hao,hapa sasa inatakiwa weledi utumike ili mmoja wao aliachie eneo hilo atafutiwe lingine huku mfanyabiashara huyo tayari amejenga Sekondari na inatumika,”alisema Msumba.

Hata hivyo kwa upande wake mkurugenzi wa Shule ya awali na shule ya msingi Kwema Paulin Mathayo kila alipotafutwa na vyombo mbalimbali vya Habari amekuwa akimtaka mlinzi kutoruhusu waandishi kuingia ofisini  huku akiwataka waende katika vyombo vya sheria kwa ufafanuzi zaidi.

Habari Na Paul Kayanda-Kahama

Imechapishwa na Paul kayanda at 1:41 PM

Email ThisBlogThis!Share to XShare to Facebook