HUHESO YAKABIDHI ZAWADI ZA WASHINDI WA HISABATI

 Mshindi wa kwanza Doricas James Limbati,akipongezwa na Mwalimu wake Mkuu Lucas Matanyanga,mwenye T'Shirt ni Mkurugenzi wa Huheso;Juma Mwesigwa.

 Umati wa wazazi katika shule ya msingi Kahama ukishuhudia utoaji wa zawadi

Mwenyekiti wa Kamati ya Shule ya Msingi Kahama;Kapteni Mstaafu Robart Mabala akimpongeza mshindi wa tano;Martha Sungulwa.

WAZAZI wametakiwa kuwa chachu ya kufanya vyema kielimu kwa watoto wao kwa kutumia wasaa japo wa dakika tano kila siku  kuketi nao,kupitia madaftari ya masomo  ili kubaini udhaifu wao kisha kuwazungumzia umuhimu wa elimu jambo litakalosaidia kuwajengea hamasa ya kufanya vyema katika mithani yao.

Mwenyekiti wa Kamati ya Shule ya Kahama;Kapteni mstaafu Robart Mabala,amesema hayo katika hafla fupi ya utoaji zawadi kwa washindi wa somo la hisabati kwa wasichana katika shindano lililoandaliwa na Shirika lisilo la kiserikali la HUHESO FOUNDATION lenye makao makuu yake Kata ya Malunga wilayani Kahama.

Kapteni Mabala ametoa ushauri kwa wakazi wa wilaya ya Kahama mbali na kuketi na kuwaelimisha watoto wao umuhimu wa elimu pia watumie fursa ya kuanzisha mfumo wa mashindano katika suala la elimu jambo litakalosaidia kuleta  maendeleo  ya masomo kwa wanafunzi na kufanikiwa kuwapata wasomi kama ilivyowahi kuwapata akina Jaji Ihema na wasomi wengine.

Kwa upande wake Mkurugenzi wa HUHESO FOUNDATION;Juma Mwesigwa,amesema shirika lake ambalo hujihusisha na masuala ya kijamii hususani katika masuala ya kuendeleza kielimu watoto,liliona umuhimu wa kuanzisha shindano hilo lililohusisha watoto wa kike ili kuwapatia hamasa ya kupenda som la hesabu.

Katika shindano hilo lililoshirikisha wanafunzi wa kike 63 kutoka shule 15 za Halmashauri ya Mji wa Kahama ambapo awali lilitarajiwa kushirikisha wanafunzi 100 katika shule 20,huku zawadi ya mshindi wa kwanza ambayo ni Shilingi Laki Moja ilichukuliwa na Doricas James Limbati kutoka shule ya msingi Nyahanga B.

Zawadi ya Mshindi wa pili ilichukuliwa na wanafunzi watatu ambao ni Cecilia Kishiwa kutoka Shule ya Msingi Busoka,Tatu Chatta kutoka Kahama B na Agness Boniphace kutoka Majengo ambao walipata kila mmoja Shilingi Elfu Hamsini na zawadi ya mshindi wa tatu ikienda kwa Martha Sungulwa wa Kahama B,ambapo zawadi ya mshindi wa jumla ilichukuliwa na Shule ya Msingi Majengo iliyopatiwa mpira mmoja wenye thamani ya shilingi Elfu Themanini.

MWISHO.

Imechapishwa na Paul kayanda at 7:31 AM

Email ThisBlogThis!Share to XShare to Facebook